WIr Joseph von GOttes Genaden, Erwöhlter Römischer Käyser, zu allen Zeiten Mehrer deß Reichs, in Germanien, zu Hungarn, Böheimb, Dalmatien, Croatien, und Sclavonien, [et]c. König, Ertz-Hertzog zu Oesterreich, Hertzog zu Burgund, Steyr, Kärnten, Crain unnd Würtemberg, Graf zu Tyrol, [et]c. Entbiethen N.N. allen und jeden Churfürsten, Fürsten, Geist- und Weltlichen, Prälaten, Grafen, Freyen, Herren, Rittern, Knechten, Land-Vögten, Hauptleuthen, Vitzdomben, ..., denen diß von Unsers in GOtt ruhenden Herrn Vatters Majest. und Lbd. den 3. Julii, Anno 1702. erkanntes, und nach Dero Ableiben nun widerumb von Uns erneuertes Kayserl. Patent, oder glaubwürdige Abschrifft davon fürkombt, Unser Freundschafft, Kayserl. Gnad, und alles Guts, und geben Ew. Lbd. Lbd. And. And. und Euch hiemit Freund- Vetter- Oheimb gnädiglich und gnädigist zuvernemmen, wie daß Uns der Hochgebohrne Eugenius Alexander, Fürst zu Thurn und Taxis, Graf zu Valsassina, Unser Erb-General-Postmeister im Reich und Niderlanden, auch lieber Oheimb und Fürst, Ritter deß güldenen Flusses, in Underthänigkeit klagend vorbringen lassen, obwolen sich in alle Weeg gezihmet unnd gebühret hätte, daß denen von Weyland Kayser Rudolph im Jahr fünffzehenhundert neun und sibentzig, fünffzehenhundert neun und achtzig, und fünffzehenhundert siben und neuntzig, so dann von Kayser Matthia im Jahr sechzehenhundert vierzehen, wie auch von Kayser Ferdinando dem Andern im Jahr sechzehenhundert vier und zwaintzig, und fünff und dreyssig, nicht weniger von Unserm Groß-Vattern Kayser Ferdinand dem Dritten, unterm Dato deß zwölfften Augusti deß sechzehenhundert siben unnd dreyssigisten Jahrs, und den achtzehenden Septembris, Anno sechzehenhundert drey und fünfftzig, zumahlen auff vorhero eingefordertes Gutachten deß gesambten Chur-Fürstl. Collegii, unnd mit zeitigem Rath desselben, ...: Geben in Unser Statt Wienn, den siben unnd zwaintzigisten Octobris, Anno sibenzehenhundert und sechs: Unser Re